काठमाडौँ । फिल्म छायाँकार विदुर पाण्डेको आज निधन भएको छ । हृदयघातका कारण ५५ वर्षीय उहाँको आज बिहान शहीद गंगाालाल अस्पतालमा निधन भएको हो ।
घरमा असहज महसुस गरेपछि पाण्डेलाई अस्पताल लगिएको थियो । चलचित्र प्राविधिक संघका अनुसार उहाँको पार्थिव शरीरलाई अन्तिम श्रद्धान्जलिका लागि केही समय पशुपति आर्यघाटमा राखिएको थियो । त्यहाँ उहाँलाई अन्तिम श्रद्धान्जलि दिन फिल्मकर्मी र आफन्त उपस्थितभएका थिए । उहाँको आजै अन्तिम सस्कार गरिएको छ ।
पाण्डेले नेपालको पहिलो डिजिटल फिल्म ‘कागबेनी’ का छायाँकन गर्नुभएको थियो । सयौँ म्युजिक भिडियोसमेत छायाँकन गर्नुभएका पाण्डेले स्वर र भुइँमान्छेमा छायाँकारको रुपमा काम गर्नुभएको थियो ।
हाम्रो टिम, क्वीज मेनिया, फूलको थुँगा, हिमालय फेसन एड्भेन्चरजस्ता टीभी कार्यक्रम र छोटा फिल्ममा उहाँले काम गरिसक्नु भएको छ ।
