काठमाडौं । अख्तियार दुरुपयोग अनुसन्धान आयोगले ६ लाख रुपैयाँ घुस सहित रंगेहात पक्राउ गरेको संस्कृति पर्यटन तथा नागरिक उड्डयन मन्त्रालयका उपसचिव प्रमोद नेपालको साथबाट थप साढे १६ लाख रुपैयाँ बरामद गरेको छ ।
नेपालको गाडी बाट आयोगको टोलीले थप १६ लाख बरामद गरेको हो । अख्तियारका अनुसार उपसचिव नेपालको योसहित साथबाट कुल २२ लाख ५० हजार रुपैयाँ बरामद भएको छ । अख्तियारको टोलीले उपसचिव नेपाललाई नक्साल नागपोखरीको एक होटलबाट पक्राउ गरेको थियो ।
