• ३ भाद्र २०७९, शुक्रबार
  •      Fri Aug 19 2022
Logo
Latest
★   नागरिकता विधेयकले राष्ट्रियता बलियो बनाउँछः गृहमन्त्री ★   उपत्यकाको फोहर व्यवस्थापन गर्न १० दिन लाग्ने ★   तनहुँ–१ बाटै चुनाव लड्छु: वरिष्ठ नेता पौडेल ★   भक्तपुरको गाईजात्रा सम्पन्न ★   राष्ट्रपतिद्वारा कृष्णमन्दिरमा पूजा–अर्चना (फोटोफिचर) ★   प्राज्ञिक विद्यार्थी परिषद् नेपाल हिमाली क्षेत्रमा सक्रिय, ११ जिल्लाहरूमा ३२ लाखको शैक्षिक सामाग्री वितरण गर्ने ★   बाढीले गर्दा मेलम्ची–हेलम्बु सडक अवरुद्ध ★   एनएफपिजेले १७ विधामा फोटो पत्रकारिता अवार्ड प्रदान गर्ने ★   एमालेले आगामी निर्वाचनमा बहुमत ल्याउने गरी तयारी थाल्दैछः योगेशकुमार भट्टराई ★   एकीकृत समाजवादीको उम्मेदवार छनोटको लागि गृहकार्य सुरु

नागरिकता कागजको खोस्टो मात्र होइन: राप्रपा नेपाल



काठमाडौं । संसदबाट पास गरिएको नागरिकता बिधयेकले मुलुकको राष्ट्रियता, सम्प्रभुता, अखण्डता र स्वाभिमानमाथी गम्भीर आँच पुर्याउने भन्दै राप्रपा नेपाल सम्बद्ध जनबर्गिय संगठनहरुले बिरोध जनाएका छन् ।

सनिवार साँझ नागरिकता विधयेकको बुदाँहरु बिबादास्पद ,अनुचित र राष्ट्रहित बिपरित भएको बिरोधमा पार्टी सम्बद्ध युबक,विद्यार्थी र युबा मोर्चाका नेता कार्यकर्ताहरुले राँके जुलुश प्रदर्शन गरेका छन् । नागरिकता भनेको कागजको खोस्टो मात्र नभएर देशको स्वाभिमान , स्वतन्त्रता र अस्तीत्वसङ्ग गासिएको बिषय भएको भन्दै राप्रपा नेपाल सम्बद्ध जनबर्गिय संगठन युबक, विद्यार्थी र युबा मोर्चाले संसदबाट पास गरिएको नागरिकता बिधयेकको बिरोध गरेको हो ।

बिबाह गर्ना साथ कुनैपनी बिदेशिले तत्काल नागरिकता पाउने नीति दुनियाँमा कहि नभएको भन्दै नेताहरुले आक्रोश ब्यक्त गरे । सबै नेपालीले नागरिकता सरल र सहज रुपमा पाउने कुरामा दुई मत नभएको तर बिदेशीलाई नाङ्लोमा राखेर नागरिकता बाढ्ने बिषय अस्वीकार्य भएको नेताहरुले बताएका छन् ।

सत्ता र स्वार्थ पुर्तिको लागि राष्ट्रघाती निर्णय गर्नेहरुलाई जनताले दण्ड दिनुपर्ने उनिहरुको धारणा छ । बिबाह गरेर आएकाहरुलाई समय सिमा नतोकी धमाधम नागरिकता बाढ्न नहुने प्रदर्शनकारिहरुको माग रहेको छ । बिशालगरबाट शुरु भएको राँके जुलुस ढल्कु, भाटभटेनी , चाईनिज एम्बेसी हुँदै बालुवाटार पुग्दा प्रहरी हस्तक्षेप भएको छ , प्रदर्शनकारी विद्यार्थी नेता सन्दिप खड्का पक्राउ परेका छन् ।