नवलपरासी । नागरिकता बिहिनहरु नागरिकहरुले नवलपरासी प्रर्दशन सहित प्रमुख जिल्ला अधिकारीलाई ज्ञापनपत्र बुझाएका छन् । नागरिकता बिहिन नेपालीहरुका सयोजक ईञ्जिनियर इन्द्रजित साफीको अगुवाईमा करिब ८०० नागरिकता बिहिनहरुले परासीबजारमा प्रर्दशन सहित प्रमुख जिल्ला अधिकारी धमेन्द्रकुमार मिश्रलाई ज्ञापनपत्र बुझाएका हुन् ।
ज्ञापन पत्रमा उनिहरुले नेपालको सबिधान २०७२को भाग २ धारा १० को उपधारा १ अनुसार कुनै पनि नेपाली नागरिकलाई नागरिकता प्राप्त गर्ने हकबाट बन्चित गरिने छैन भन्ने स्पष्ट व्यवस्था गरेपनि आफुहरु नागरिकता बिहिन भएर बस्नु परेको पीडा उल्लेख गरेका छन् ।
ज्ञापनपत्रमा उनिहरुले सबिधानको भाग २ को धारा ११ को उपधारा ३ अनुसार यो सबिधान प्रारम्भ हुनुभन्दा अघि जन्मको आधारमा नेपालको नागरिकता प्राप्त गरेको नागरिकको सन्तानले बाबु र आमा दुबै नेपालको नागरिक रहेछन् भने निज वालिग भएपछि वंशजको आधारमा नेपालको नागरिकता प्राप्त गर्ने छ भन्ने कुराको पनि स्मरण गराएका छन् । नागरिकता बिहिन नेपालीहरुले लेखेको पत्रमा सबिधानको धारा ११ को उपधारा ५ अनुसार नेपालको नागरिक आमाबाट नेपालमा जन्म भै नेपालमा नै बसोबास गरेको र बाबुको पहिचान हुन नसकेको व्यक्तिलाई बंशजको आधारमा नेपालको नागरिकता प्रदान गरिने उल्लेख भएको तर बाबु बिदेशी नागरिक ठहरेमा त्यस्तो व्यक्तिको नागरिकता संघीय कानून अनुसार अंगीकृत नागरिकतामा परिणत हुने उल्लेख गरिएको छ ।
पत्रमा नेपालको सबिधानले नागरिकता प्राप्तिमा नरोकेको भएपनि कानूनको अभाबमा नागरिकता प्राप्त गर्न नसकेको जनाईएको छ । प्रतिनिधिसभााको राज्य व्यवस्था तथा शुशासन समितिमा २०७५ भाद्र ५ गते नागरिकता बिधेयक दर्ता भए पनि सत्ताको लडाईमा नागरिकता बिधेयक अघि बढ्न नसेकेको उल्लेख गर्दे कहिले सम्म अनागरिक भएर बस्ने भनि प्रश्न गरेका छन् ।
नागरिकता बिहिनहरुले आफुहरुलाई परेको समस्या उल्लेख गर्दे रापत्रमा लेखेका छन् नागरिकता नभएर पढ्न पाईएन, पढेपनि काम गर्न पाईएन , बैदेशीक रोजगारीमा जाने आधार छैन , बैकमा खाता खोल्न सकिएको छैन , आफनो नाम बाट सीमकार्ड समेत निकाल्न नपाएको अबस्था छ ।पटक पटक सरोकारवला निकायको ध्यानकर्षण गराउदै आन्दोलन धर्ना ,ज्ञापनपत्र बुझाउने काम गरेपनि कतै बाट सुनुवाई भएको गुनासो उनिहरुको रहेको छ I
भदौ १८ गते उनिहरुले आफुहरुको समस्या समाधानको पहल गरिदिन आग्रह गर्दे राष्ट्रपति बिद्यादेबी भण्डारीलाई पनि पत्र लेखेका थिए ।
