काठमाडौं । सत्तारुढ नेपाली कांग्रेसले संसदीय दलको बैठक बोलाएको छ ।
विकसित पछिल्लो राजनीतिक घटनाक्रमको समीक्षा र पार्टीको रणनीति बनाउन नेपाली कांग्रेसले मंगलवारको लागि संसदीय दलको बैठक बोलाएको हो ।
मंगलवार दिउँसो २ बजे संसद् भवन नयाँ बानेश्वरको ल्होत्से हलमा बस्ने गरी बैठक बोलाइएको संसदीय दलको कार्यालयले जनाएको छ ।
संघीय संसदको प्रतिनिधिसभा र राष्ट्रिय सभाको अधिवेशन भदौ २३ गते अपरान्ह ४ बजेका लागि बोलाइएको छ । संसद अधिवेशन बैठक बस्नुभन्दा एक दिन अगाडि कांग्रेस संसदीय दलको बैठक बस्न लागेको हो ।
