काठमाडौँ । जनता समाजवादी पार्टी (जसपा) ले संघीय सरकारबाट आफ्ना मन्त्रीहरुलाई फिर्ता बोलाउने भएको छ । यसका लागि पार्टीले हालका मन्त्रीहरुलाई फिर्ता बोलाएर नयाँलाई सरकारमा पठाउने तयारी गरेको छ ।
विशेषगरी पार्टी अध्यक्ष उपेन्द्र यादव र संघीय परिषद्का अध्यक्ष डा. बाबुराम भट्टराई अलग हुने स्थितिमा पुगेपछि पार्टीमा हालका मन्त्रीहरुलाई फिर्ता बोलाएर नयाँलाई पठाउने गृहकार्य भइरहेको हो ।
हाल संघीय सरकामा जसपाबाट संघीय मामिला तथा समान्य प्रशासनमन्त्री राजेन्द्र श्रेष्ठ, कृषि तथा पशुपन्छी विकासमन्त्री महिन्द्रराय यादव, भौतिक पूर्वाधार तथा यातायातमन्त्री रेणुकुमारी यादव र वन तथा वातावरणमन्त्री रामसहाय प्रसाद यादव रहेका छन् ।
पार्टीले मन्त्रीहरुलाई फिर्ता बोलाएर कसकसलाई सरकारमा पठाउने भन्नेबारे टुंगो लगाइसकेको छैन ।
यसअघि नेकपा (एकीकृत समाजवादी) ले संघीय सरकारबाट आफ्ना मन्त्रीहरुलाई फिर्ता बोलाएर नयाँलाई पठाएको थियो ।
