काठमाडौं । काठमाडौंमा सात दिने ‘बहुभाषिक नाट्य उत्सव’ शुरू भएको छ ।
आईतवारबाट शुरु भएको उत्सव नेपाल संगीत तथा नाट्य प्रज्ञा प्रतिष्ठानले आयोजना गरेको हो । उत्सवको उद्घाटन प्राज्ञ डा. अभि सुवेदी, नेपाल प्रज्ञा प्रतिष्ठानका उपकुलपति डा. जगमान गुरुङ, नेपाल संगीत तथा प्रज्ञा प्रतिष्ठानका सदस्यसचिव श्यामप्रकाश तमोट र प्राज्ञ परिषद् सदस्य एवं नाट्य विभागकी प्रमुख निशा शर्मा पोखरेलले संयुक्तरूपमा गर्नुभएको थियो । उदटनको पहिलो दिन सोङ्कित लाप्चा निर्देशित लाप्चा भाषाको ‘स्वर्ग जाने सिँढी’ नाटक देखाइएको थियो ।
नाटकलाई लाप्चाउत्थान मञ्च, इलामले निर्माण गरेको हो । उत्सवमा देश भरबाट छनोटमा परेका सात वटा नाटक मञ्चन गरिनेछ ।
महोत्सव कुञ्ज थिएटरमा भइरहेको छ । आज नाटकको दोश्रो दिन कुन्दन थारूको निर्देशनमा तयार भएको थारू भाषाको ‘कनन हरलता’ मञ्चन हुँदैछ । कुञ्ज नाटक घर थापागाउँमा नाटक भइरहेको छ ।
