काठमाडौं । काठमाडौं महानगरपालीका र सिस्डोल- बन्चरेडाँडाका जनप्रतिनिधि बिच काठमाडौंको फोहोर उठाउने सहमति भएको छ। राति १ बजे सकिएको बैठकमा आन्दोलनरत स्थानीय देखि वडा अध्यक्षहरूको उपस्थितमा १८ बुँदे सहमति भएको छ ।
केही दिन अघि धादिङको धुनीवेशी नगरपालिका र नुवाकोटको ककनी गाउँपालिकाका प्रतिनिधिबीच फोहोर व्यवस्थापन गर्न दिने सहमति भए पनि सिस्डोल( बन्चरे डाँडाका स्थानीय जनप्रतिनिधिहरुले मानेका थिएनन् ।
सहमति अनुसार फोहोर ढुवानी रातिको समयमा गर्ने, आवश्यक पूर्वाधार बत्ती तथा बाटोको निर्माण तीन महिनाभित्र गर्ने, सिसडोल र बञ्चरे डाँडामा फोहोरको दुर्गन्ध नआउने गरी काठमाडौं महानगरपालिकाले एक महिनाभित्र व्यवस्थापन गर्ने, लगायतका १८ बुँदे सहमति भएको छ ।
सहमति पत्रमा काठमाडौं महानगरपालिकाका प्रमुख बालेन्द्र शाह, उपप्रमुख सुनिता डंगोल सहित सिसडोल र बञ्चरे डाँडाको प्रभाबित क्षेत्रका जनप्रतिनिधिले हस्ताक्षर गरेका छन् ।
