काठमाडौं । प्रधानमन्त्री शेरबहादुर देउवा र काठमाडौं महानगरपालिकाका प्रमुख बालेन साहबीच भेटवार्ता भएको छ ।
बिहीबार साँझ प्रधानमन्त्रीको सरकारी निवास बालुवाटारमा भएको भेटमा काठमाडौंको फोहोर व्यवस्थापनका विषयमा छलफल भएको प्रधानमन्त्रीको सचिवालयले जनाएको छ ।
लामो समय देखी काठमाडौं उपत्यकाको फोहर व्यवस्थापन हुन नसकेर समस्या भै रहेका समयमा मेयर साह प्रधानमन्त्री देउवालाई भेट्न पुगेका हुन् ।
छलफलमा बञ्चरेडाँडका स्थानीयवासी र जनप्रतिनिधिसँग पनि छलफल गरेर दीर्घकालीन समाधान खोज्न प्रधानमन्त्री देउवाले आग्रह गर्नुभएको उहाँको सचिवालयले जनाएको छ ।
