काठमाडौं । प्रेस चौतारी नेपालले सरकारले गठन गर्न लागेको आमसञ्चार प्रशिक्षण प्रतिष्ठानमा कृष्णप्रसाद भट्टराईको नाम जोडिएकोप्रति आपत्ति जनाएको छ ।
चौतारीले एक विज्ञप्तिमार्फत सरकारले नीति तथा कार्यक्रममार्फत गलत तथ्यहरू प्रस्तुत गरेर आमसञ्चार क्षेत्रलाई प्रभावित पार्ने गलत उद्देश्यका साथ कार्यक्रम ल्याउनु आफैंमा निन्दनीय विषय भएको भन्दै ध्यानाकर्षण भएको जनाएको हो ।
महासचिव हिरामान लामाद्वारा जारी गरिएको विज्ञप्तीमा सरकारले नीति तथा कार्यक्रममार्फत गलत तथ्यहरू प्रस्तुत गरेर आमसञ्चार क्षेत्रलाई प्रभावित पार्ने गलत उद्देश्यका साथ कार्यक्रम ल्याउनु आफैंमा निन्दनीय विषय भएको भन्दै ध्यानाकर्षण भएको उल्लेख गरिएको छ ।
‘हामीसहित सबै संघ–संस्थाहरुको विरोधपछि राजनीतिक उदेश्यबाट मुक्त भएर ‘आमसञ्चार प्रतिष्ठान’ नै कायम राख्ने सहमति भएको हो । तर सरकारले यो सहमतिलाई समेत लत्याएर फेरि गलत इतिहासलाई बैधता दिने र राजनीतिकरण गर्ने दुश्प्रयास गरेको छ । हामी यस गलत कामका विरुद्ध सचेत भई आवाज उठाउन आमसञ्चारकर्मी, सञ्चारजन्य संघ संस्था र सरोकारवाला निकाय सवैलाई हार्दिक आह्वान गर्दछौं । साथै नियोजित रुपमा गरिएको यो गलत निर्णय तत्काल सच्याउन सरकारसँग जोडदार माग गर्दछौं ।’ विज्ञप्तीमा भनिएको छ ।
