काठमाडौं । सुदन किरातीले प्रगतिशील लोकतान्त्रिक पार्टी (प्रलोपा) परित्याग गरेका छन्। उनले बुधबार सामाजिक सञ्जाल फेसबुकमार्फत पार्टीको साधारण सदस्यसमेत नरहने गरी राजीनामा दिएको सार्वजनिक गरेका हुन्। किरातीले करिब पाँच महिना लामो पार्टीसँगको आफ्नो यात्रा टुंग्याएको जनाउँदै यस अवधिमा मार्गदर्शन गर्ने नेताहरू, सहकार्य गर्ने साथीहरू तथा कर्मचारीहरूप्रति आभार व्यक्त गरेका छन्।