हेटौंडाः मकवानपुर जिल्लाको इन्द्रसरोवर गाउँपालिकामा नेकपा एमाले विजयी भएको छ । प्राप्त मतगणना विवरण अनुसार पालिका अध्यक्षमा नेकपा एमालेका उम्मेदवार देवकृष्ण पुडासैनी निर्वाचित हुनु भएको हो ।
पुडासैनी ३ हजार ७२२ मतका साथ अध्यक्षमा निर्वाचित हुनु भएको छ । उहाँका निकटतम प्रतिद्वन्द्वी नेपाली कांग्रेसका विश्वलाल लामाले मत ३ हजार ४७२ मत ल्याउनु भएको छ । पुडासैनीले लामालाई २५० मतान्तरले पराजित गर्नु भएको हो ।
उपाध्यक्षमा एमालेकै उमाकुमारी लामा ३ हजार ७२५ मतले निर्वाचित हुनु भएको छ । उहाँका निकट प्रतिस्पर्धी कांग्रेसका निर्मला लामाले ३ हजार ६६५ मत प्राप्त गर्नु भएको थियो ।
यसअघि भीमफेदी गाउँपालिकाको अध्यक्षमा पनि एमालेकी हिदम लामा निर्वाचित हुनु भएको छ ।
