काठमाडौं । गायक प्रमोद खरेल कार दुर्घटनामा घाइते भएका छन् । दाङ आयोजना भएको एक कार्यक्रममा जाने क्रममा खरेल कार दुर्घटनमा परेका हुन् ।

दुर्घटना बारे सामाजिक सञ्जाल मार्फत जानकारी गराउदै गायक खरेलले एउटा अर्को युद्ध जीन्दगी सँग भन्दै घटनाको बिवरण उल्लेख गरेका छन् ।

खरेलले सामाजिक संञ्जालमा लेखेका छन् –

काठमाण्डौं मा रेकर्डींङ सकेर हिजो साँझ नेपालंगज फ्लाईट लिएर तुलसीपुर दाङ को हुने कार्यक्रमको लागि राती १ बजे होटल पुग्न १० मिनेट मात्र अघि आयोजकले चलाएको कार गम्भीर दुर्घटना मा पर्यो । कार रोडको पर्खालमा बज्रिएछ। अर्ध निन्द्रा मै मेरो होश त्यहि गुमेछ । दुर्घटना पश्चात कसैले आफ्नो गाडीमा नजिकको अस्पताल पुर्याएर बेडम बसाउदा मात्र झण्डै ४५ मिनट पछि मेरो होश आएछ।

त्यस पछि पनि करिब ५ / ७ मिनट कहाँ बाट आए कहाँ छु पत्तै पाइन। गाड़ीको सिट बेल्ट र एयररव्यागले ज्यान जोगाएछ । सँगैका दुइ आयोजक भाइहरु रकताम्य देख्दा छन् मन झनै डरायो ।

राती ४ बजे होटल अस्पताल डिस्चार्ज भएर काठमाडौं आइपुगे। काठमाण्डौं मा करिब ६ घण्टा अस्पताल मा सिटी स्क्यान लगायत सबै जाँच पछि घरमा नै आराम गरिरहेको छु । मा छु। बाहिरी चोट भएपनि भित्र कुनै समस्या देखिएन सबै नेगेटिभ आएको छ। बिस्तारै सामान्य हुने क्रममा छु ।

अब कम्ति मा ३/४ दिन सबै रेकर्डीङ र अन्य कार्यक्रम स्थगित गरेको छु । आशा छ छिट्टै काममा फर्कने छु । एक हिसाब मा फेरि एक पटक भगवान ले हात थामिदिनु भएको छ ।

उपचारमा सग्लन डा राजन ,डा सृजना ,सिस्टर मन्जु अन्य नर्सहरु मनमोहन कार्डियो अस्पताल परिबार तथा दाङ अस्पताल कर्ण ओली , बिमल ढकाल भाइ लगायत सम्पुर्ण प्रति कृतज्ञ छु , नोगेन ।