एजेन्सी । टाइगर श्राफ र दीशा पटानी अहिले आफ्नो सम्बन्धका कारण चर्चामा छन् ।
यद्यपी उनीहरुले आफ्नो सम्बन्धको आधिकारिक घोषणा भने गरेका छैनन् । यसैबीच, दीशा पटानीले एउटा क्यूट भिडियो शेयर गर्दै टाइगर श्राफलाई जन्मदिनको शुभकामना दिएकी छिन् ।
टाइगरले आज आफ्नो ३१औं जन्मदिन मनाइरहेका छन् । अभिनेत्रीको यो पोस्टमा फ्यानहरुले निकै रमाइलो प्रतिक्रिया दिइरहेका छन् । वास्तवमा दीशाले टाइगरलाई बर्थडेको शुभकामना दिँदै बेस्ट फ्रेन्ड लेखेकी छिन् र फ्यानहरूले यो कुराको मजाक लिइरहेका छन् ।
दीशा पटानीले आफ्नो इन्स्टाग्रामबाट एउटा भिडियो पोस्ट गरेकी छिन्, जसमा टाइगर श्राफ मुस्कुराउँदै गरेको देखिन्छ । यो पोस्ट सेयर गर्दै उनले लेखेकी छन्, ‘ह्याप्पी बर्थडे मेरो सबैभन्दा मिल्ने साथी। तपाईंको कडा परिश्रम र प्यारो आत्मा मार्फत हामी जस्ता करोडौंलाई प्रेरणा दिनु भएकोमा धन्यवाद। तिमी धेरै प्यारो छौ।'
उनको यो पोस्टमा फ्यानहरुले एकपछि अर्को रमाइलो प्रतिक्रिया दिइरहेका छन् र कमेन्ट सेक्सनमा कमेन्टको बाढी आएको छ ।
