काठमाडौं । माल्दिभ्समा जारी साफ च्याम्पियनसिपको उपाधि भारतले जितेको छ । शनिबार राति भएको फाइनल खेलमा नेपाललाई ३-० गोलले हराउँदै भारत आठौं पटक च्याम्पियन बनेको हो ।
मालेको राष्ट्रिय रंगशालामा भएको खेलमा भारतले खेलको ४७ औं मिनेटमा सुनील क्षेत्रीले गोल गर्दै भारतलाई सुरुवाती अग्रता दिलाएका । त्यसको एक मिनेटपछि नै सुरेश सिंहले गोल गर्दै भारतको अग्रता दोब्बर पारे ।
यस्तै खेलको ९० औं मिनेटमा सहाल अब्दुल समादले गोल गर्दै भारतलाई ३-० गोलले जित दिलाए ।
