बंगलादेश आईसीसी टी-२० विश्वकप क्रिकेटको सुपर – १२ मा प्रवेश गरेकाे पुगेको छ ।
बिहीबार पपुवा न्यू गिनी (पीएनजी) लाई ८४ रनले पराजित गर्दै बंगलादेश दोस्रो जितसहित सुपर – १२ मा पुगेको हो ।
ओमान क्रिकेट मैदानमा बंगलादेशले दिएको १८२ रनको लक्ष्यसहित जवाफी ब्याटिङ गरेको पीएनजी १९.३ ओभरमा ९७ रनमा समेटिएको थियो । यो जितसँगै बंगलादेशले सुपर – १२ को स्थान सुरक्षित गरेको हो ।
पीएनजीका किप्लिन डोरिगाले सर्वाधिक ४६ रन बनाए । चाड सोपेरले ११ रन जोड्दा कप्तान असाद भाला ६ रनमा आउट भए ।
पीएनजीलाई सस्तैमा समेट्न बंगलादेशका शकिब अल हसनले ४ विकेट लिए । मोहमद सैफुदीन र ताक्सिन अहमेदले २-२ विकेट लिए ।
यसअघि पहिले ब्याटिङ गरेको बंगलादेशले २० ओभरमा ७ विकेट गुमाएर १८१ रन बनाएको थियो । बंगलादेशका लागि कप्तान महमुदउल्लाहले ५० रन बनाएका थिए भने शकिब अल हसनले ४६ तथा लिटोन दासले २९ रन बनाएका थिए ।
