काठमाडौं । नेकपा एमालेका अध्यक्ष केपी शर्मा ओलीले आफूमाथि लागेको आफ्नो कार्यकालमा बालुवाटारमा करोडौंको बिलासिताका सामान खरिद गरेको आरोपलाई काउन्टर जवाफ फर्काएका छन् ।
नेकपा (माओवादी केन्द्र)का अध्यक्ष पुष्पकमल दाहालले शुक्रबार चितवनमा आयोजित कार्यक्रममा ओली प्रधानमन्त्री हुँदा करोडौंको सामान खरिद गरेको आरोप लगाएपछि अध्यक्ष ओलीले त्यसको जवाफ दिएका हुन् ।
शनिबार सिन्धुपाल्चोक काठमाडौं सम्पर्क मञ्चले आयोजना गरेको शुभकामना आदान प्रदान कार्यक्रममा पूर्व प्रधानमन्त्री समेत रहेका ओलीले उक्त आरोप विरोधीहरुले लगाएको आरोप मात्र भएको बताए ।
ओलीले प्रचण्डलाई इंगित गर्दै भने, ‘चितवन गएर ‘प्रचण्डले के भनेछन् भने मलाई डेढ लाखको खाटमा सुत्यो भनेर उडाउँथे । केपी ओलीले करोडौंको किनेका रहेछन्, मेरो भान्सामा त भाँडाकुँडा पनि आफ्नै हुन्थे । आफ्नै घरबाट लगेको हुन्थे, के को किन्नु ?’
एउटा रोटी र दुई गाँस भात खाएर बस्ने आफूलाई करोडौंको भाँडाकुँडा नचाहिने ओलीको टीप्पणी छ ।