१५असोज -रसुवा
प्रतिनिधि सभा सदस्य मोहन आचार्यले आईतबार रसुवामा आयोजित एक कार्यक्रम वीच श्री सुर्योदय प्राथमिक बिधालय कालिका ४ धुसेनीको नवनिर्मित भवनको उद्घाटन गर्नु भयो।
क्यानेडियन नागरिकको १८ लाख रुपैयाँकोसहयोगमा निर्मित सो विध्यालय भवन निर्माणबाट त्यस भेगका सयौ विध्यार्थी लाभान्वित भएका छन्। उद्घाटन समारोहलाई सम्वोधन गर्दैप्रतिनिधि सभा सदस्य मोहन आचार्यले गुणस्तरिय शिक्षा प्रदान गर्न शिक्षक शिक्षिकालाई अनुरोध गर्नु भयो।
स्तरिय विध्यालय भबन निर्माण गरिदिएकोमा दाताहरुलाई रसुवाली नागरिकका तर्फबाट धन्यवाद दिदै सासंद आचार्यले मुलुकको समग्र विकासलागी शिक्षित नागरिक उत्पादन आबश्यक रहेको बताउनु भयो।
संमृघ्द रसुवा निर्माण अभियानमा आफु कृयाशिल रहेको बताउदै सासंद आचार्यले यसकालागी रसुवाली नागरिकको स्वास्थ्य, शिक्षा, सडक यातायात ,कृषि ,जलस्रोत र पर्यटन विकासलाई संग संगै अगाडी बढाईएको बताउनु भयो।रसुवा जिल्लाका सबै गाँऊलाई सडक संञ्जालमार्फत जोड्ने अभियान अन्तर्गत अहिले सडक निर्माणकार्य तिब्रगतिमा अगाडी बढीरहेको भन्दै उहाँले सडक निर्माणले भुकम्प पिडित रसुवाली नागरिकहरुको घर पूननिर्माण लागत घटाउनुका साथै स्थानिय कृषि उत्पादनलाई बजार पहुँचमा सहयोग पुर्याएको बताउनु भयो।रसुवामा सडक निर्माणकालागी सासंद आचार्यले आफ्नै व्यक्तिगत लगानीमा स्काभेटर र डोजर खरिद गरि जिल्लालाई उपलब्ध गराउनु भएको थियो।बाटो निर्माणकालागी स्काभेटर र डोजरलाई आबश्यक ईन्धनको व्यबस्था भने सम्बन्धित गाँऊ पालिकाले उपलब्ध गराउदै आएका छन्।