काठमाडौँ । आदिवासी जनजातिले आफ्ना चाडहरुमा दिइँदै आएको सार्वजनिक बिदा पुनर्स्थापनाको माग गर्दै बिरोध प्रदर्शन गरेका छन् । बुधबार माइतीघर मण्डलामा जम्मा भएका आदिवासीले माईतिघर मन्डला घेराउ गरि प्रदर्शन गरेका हुन् ।
नेपाल आदिवासी जनजाति महासंघको नेतृत्वमा विभिन्न जातीय समुदायले बुधबार दिउँसो प्रदर्शनकारीले धर्मनिरपेक्षता कायम गर, राष्ट्रिय पर्व बिदा कायम गर, सांस्कृतिक विभेद अन्त्य गरजस्ता नारा लगाएका थिए । गुरुङ, तामाङ, शर्पा समुदायको तमु, सोनाम, ग्याल्बो ल्होछार, किरात समुदायको चासोक तङनाम, उधौली, उभौली, मगरलगायतका माघी पर्व, माघे संक्रान्तिको सार्वजनिक बिदा कटौतीको निर्णय फिर्ता गर्नुपर्नेजस्ता प्लेकार्ड, जातीय संस्थाहरुको झन्डा, व्यानरसहित कार्यक्रममा सहभागी भएका थिए ।
विरोध कार्यक्रमपछिको कोणसभामा वक्ताहरुले निर्धनिरपेक्ष मुलुकमा आफ्ना समुदायको चाडपर्वको बिदा कटौती गरेर राज्यले सांस्कृतिक विभेद गरेको आरोप लगाए । उनीहरुले सरकारले बिदा कटौतीको निर्णय फिर्ता नलिएसम्म आन्दोलन जारी राख्ने चेतावनी समेत दिए ।
