काठमाडौं । उनी जीवित छन् । तर, हातमा छ मृत्युको प्रमाणपत्र । काजकिरिया भइसकेको छ । यति मात्र होइन, जीवन बीमाबापतको १० लाख रुपैयाँ पनि उनको परिकारले बुझिसकेको छ ।
यो यथार्थता हो, मोरङ बेलबारी नगरपालिका–११ लक्ष्मीमार्गका सुवास तामाङको । भयानक दुर्घटनाबाट बाँच्न सफल तामाङलाई स्वास्थ्यमा सुधार आएपछि साउदी सरकारले नेपाल पठाएको थियो । तर, नेपाल आएपछि उनको आफ्नो बारेमा जे सुने, त्यसपछि भने उनमा मानसिक आघात पर्ने गयो ।
मृत्युको प्रमाणपत्र देखाउदै उनले भने, ‘यही हो मेरो पासपोर्ट मेरो मृत्यु भइसकेको प्रमाण बनेछ ।’ उनी कारर्यरत होन्डाइ कम्पनीले उनको पासपोर्ट अर्केको शवका बाकसमा राखिदिएछ । उनलाई साउदी पठाउने म्यानपावरले पनि यथार्थ बुझ्न तत्परता देखाएन । साउदीबाट आएको शवको बाकसमा उनको नाम र पासपोर्ट राखिएकै कारण परिवारले मृत्युसंस्कार ग¥यो । समाचार राजधानी दैनिकमा प्रकाशित छ ।
