घोराही । दाङ जिल्लामा नेपाल कम्युनिस्ट पार्टी (नेकपा) लाई झट्का लागेको छ । घोराही खानेपानी उपभोक्ता तथा सरसफाई संस्थामा नेकपालाई हराउँदै नेपाली कांग्रेस निकटको प्रजातान्त्रिक समूहले बिजयी हासिल गरेको हो ।
आइतबार बिहान सम्पन्न मत परिणामअनुसार प्रजातान्त्रिक समूहबाट देवीबहादुर डिसीको समूह निर्वाचित भएपछि दाङमा कम्युनिस्टहरू ओरालो लाग्न थालेको चर्चा हुन थालेको छ ।
प्रजातान्त्रिक समूहबाट अध्यक्षमा उम्मेदवार बनेका डिसीले १९९६ मतसहित विजयी भएका छन् । प्रगतिशील समूहका उम्मेद्धार गणेशप्रसाद श्रेष्ठले जम्मा ९७६ मत पाएका थिए ।
प्रजातान्त्रिक समूहबाट उपाध्यक्षमा भरतमणि पाण्डे, सचिवमा सुजन पाण्डे, ध्रुब केसी कोषाध्यक्ष, सदस्यहरूमा धमेन्द्र श्रेष्ठ, नारायण भण्डारी, यशोदादेवी पाण्डे, खुमा खड्का थापा मगर र लक्ष्मीसिंह ठकुरी निर्वाचित भएका छन् ।
