बुटवल । विप्लव नेतृत्वको नेपाल कम्युनिष्ट पार्टीको कार्यालयमाथि प्रहरीले डोजर चलाएको छ । रुपेन्देहीस्थित ‘रातो घर’मा प्रहरीले डोजर लगाएको हो ।
प्रहरीले पार्टीसँग सम्बन्धित सबै सामानहरु कब्जामा लिएको छ । विगत १३ बर्षदेखि उक्त भवन पार्टी कार्यालयको रुपमा प्रयोगमा आएको थियो । उक्त दुईतर्ले रातो घर’ अहिले प्रहरीले भत्काइरहेको छ ।
इलाका प्रहरी कार्यालय बुटवलका प्रमुख डिलबहादुर मल्लले अहिले सो भवन भत्काउँदै गरिएको बताए । उनले शुक्रबार साँझसम्म सम्पूर्ण भवन भत्काइसक्ने जानकारी दिए ।
