काठमाडौँ । नेपाल आयल निगमको प्रतिवद्धता पुरा नभएको भन्दै ग्यास उद्योगीहरुले आन्दोलनको घोषणा गरेका छन् ।
१० बुँदे मागबारे ग्यास उद्योगीहरुको मागबारे अध्ययन गर्न बनाएको समितिले २० गतेसम्म यसबारे कुनै निर्णय नगरेको भन्दै नेपाल एलपी ग्यास उद्योग संघले चरणवद्ध आन्दोलनका कार्यक्रम सार्वजनिक गरेको हो ।
संघले भोलिदेखि पीडीओ खरिद तथा ग्यास लोडिङ पूर्ण रुपमा बन्द गर्ने, २५ गतेदेखि लोड भएका बुलेटहरु पनि भन्सारबाट नछुटाउने र २८ गतेदेखि देशभरका ग्यास उद्योग बन्द गर्ने बताएको छ ।
चैत ३० गतेबाट ग्यास विक्री वितरण नै बन्द गर्ने एलपी ग्यास उद्योग संघले घोषणा गरेको छ ।
