काठमाडौं । रोयल च्यालेन्जर्स बैंग्लोरलाई १६ रनले हराउँदै दिल्ली क्यापिटल आईपीएलको प्ले अफमा पुगेको छ । समान १६ अंक बनाएकाे सिएसके पनि प्लेअफमा पुगेकाे छ ।
पहिले ब्याटिङ गर्दै दिल्लीले १८७ रन बनाएकाे थियाे । १८८ रनकाे लक्ष्य पछ्याएको बैंग्लोरले २० ओभरमा ७ विकेट गुमाएर १७१ रन मात्र बनाउन सक्यो । उसका पार्थिव पटेलले ३९ रन बनाए ।
बलिङतर्फ दिल्लीका अमित मिश्रा र कागिसाे रबाडाले २–२ विकेट लिए भने ३ ओभर बलिङ गरेका सन्दीप लामिछानले विना विकेट ३६ रन खर्चिए ।
यसअघि पहिले ब्याटिङ गरेको दिल्लीले शिखर धवन र कप्तान श्रेयस आयरको अर्धशतकको मद्दतमा २० ओभरमा ५ विकेट गुमाएर १८७ रन बनाएकाे थियो । आयर ५२ र धवन ५० रनमा आउट भए ।
अाइतबार नै मुम्बइ इन्डियन्स र काेलकाता नाइट राइडर्सबीच खेल हुँदैछ । टस जितेकाे मुम्बइ इन्डियन्सले फिल्डिङ राेजेकाे छ । घरेलु मैदान काेलकातामा ब्याटिङकाे निम्ताे पाएकाे केकेअारले धुँवाधार ब्याटिङ गरिरहेकाे छ ।
केकेअारले ९.३ अाेभरमा १ विकेट गुमाएर ९६ रन बनाएकाे छ । मुम्बइका राहुल चहरले क्रिस लिनकाे विकेट लिएका छन् ।