काठमाडौं । अभिनेत्री श्वेता खड्कालाई अस्पताल भर्ना गरिएको छ । चलचित्र ‘हेलो जीन्दगी’को छायांकनका लागि लण्डन पुगेकी खड्कालाई च्युँडोबाट तल्लो तथा घाँटीको माथिल्लो भागमा ट्यूमर भएपछि अस्पताल भर्ना गरिएको हो ।
परिवार स्रोतका अनुसार अस्पताल भर्ना गरिएपछि उनमा ट्युमर रहेको पत्ता लाग्योको थियो । अहिले उनले भारतको दिल्ली आएर शल्यक्रिया गराएकी छन् ।
अभिनेत्री श्वेताले आफ्नो सामाजिक सञ्जालमा भावनात्मक पोष्ट शेयर गर्दै लेखेकी छिन् लण्डन गएको केही दिनपछि असह्य पीडा भयो । तत्कालका लागि ठूलो समस्या नरहे पनि भविष्यमा यसले गम्भीर अवस्था ल्याउन सक्ने भनेपछि दिल्ली आएर उपचार गराएकी छु । डाक्टरलाई देखाउँदा ह्याकुलोमा ट्युमर रहेको बताए र त्यसलाई हटाउनु पर्ने भने । मैले फेरि एकपटक जीन्दगीको भयानक अवस्थामाथि जित हाँसिल गरेकी छु ।’
अन्त्यमा उनले लेखिकी छिन्, यस घटनाबाट जीन्दगी अनिश्चित रहेछ भन्ने पाठ सिके। ‘हेलो जीन्दगी’ चलचित्र टिमसँग माफी चाहन्छु किनकी मैले काम गर्न सकिन ।
