वीरगञ्ज । उपप्रधानमन्त्री तथा रक्षामन्त्री ईश्वर पोखरेलले बारा र पर्सामा हावाहुरीका कारण घरबारविहीन भएका सर्वसाधारणको घर निर्माण वैशाख २१ गतेदेखि सुरु हुने बताएका छन् ।
बारा जिल्लाको फेटा गाउँपालिका–६ पुरैनियाँमा पत्रकारसँग कुराकानी गर्दै मन्त्री पोखरेलले ७ सय ५० जना इन्जिनियरहावाहुरी प्रभावित क्षेत्रमा खटाएर १२ ठाउँमा १२ वटा समूह बनाएर एकै चोटि घर बनाउने काम शुरु गरिने बताए ।
उनले हावाहाहुरी प्रप्रभावितका लागि नेपाली सेनाले घर बनाउन लागेको कारण निर्माण कार्यमा कुनै पनि नीतिगत प्रश्नले बाधा नपुग्ने बताए ।
सरकारले बारा पर्साका हावाहुरी प्रभावित एक हजार ४५३ घर बनाउन नेपाली सेनालाई ८४ करोड ६८ लाख ७६ हजार १४० रुपैयाँ प्रदान गरेको छ ।
