काभ्रे । नेपाली कांग्रेसका नेता डा. शेखर कोइरालाले सबैभन्दा पहिलोमा अमेरिकी राष्ट्रपति डोनाल्ड ट्रम्प र दोस्रोमा नेपालका प्रधानमन्त्री केपी शर्मा ओलीबाट प्रेसमाथि खतरा रहेको आरोप लगाएका छन् । उनले नेपाल र अमेरिकामा मात्रै नभई प्रेस स्वतन्त्रतामाथि विश्व भर खतरा रहेको बताए ।
प्रेस युनियन काभ्रेको छैठौं अधिवेशनमा नेता कोइरालले ट्रम्प र प्रधानमन्त्री ओलीबाट प्रेसमाथि खतरा रहेको भन्दै उनले भने, ‘मिडियामा आफूविरुद्ध वा आफूलाई मन नपर्ने समाचार आएपछि उहाँहरुले म मात्रै सत्य भनेर क्रुर बन्ने गर्नु भएको छ ।’
नेपालमा अहिले राजा महेन्द्रको भन्दा पनि क्रुर शासन चल्न थालेको भन्दै पत्रकारलाई किन डराएको भन्ने प्रश्न गरे ।
