काठमाडौं । सत्तारुढ नेकपाका अध्यक्ष पुष्पकमल दाहाल (प्रचण्ड)ले विप्लव पनि आफ्नो पार्टीमा आउने दाबी गरेका छन् ।
आईतबार विहान पार्टी कार्यालय धुम्बाराहीमा विप्लव समूहका नेता पदम राईलाई पार्टी प्रवेश गराउँदै अहिले विप्लब जुन बाटो हिँडिएको छ, यो गन्तव्यमा पुग्ने बाटो नभएकाले विप्लवले रोजेको वाटो राष्ट्र र जनतालाई मात्र क्षति पुर्याउने भएकाले एक दिन विप्लव पनि यही ठाउँमा आउने प्रचण्डले दावी गरे ।
‘यो पछिल्लो कडि हो यो रोकिनेवाला छैन । एकदिन विप्लव पनि यही ठाउँमा आएर जोडिनुपर्छ र अरु कम्युनिष्ट समूहहरु पनि यो पार्टीमा जोडिनुपर्छ,’ प्रचण्डको भनाई छ ।
