ओखलढुंगा । ओखलढुंगाको चम्पादेबी गाउँपालिका दुई ओदेखोलामा एक व्यक्तिको शङ्कास्पद शव फेला परेको छ ।
भिरमुनिको खोल्सामा फेला परेको मृत शव चम्पादेबी गाउँपालिका ७ का ४६ वर्षीय रुद्र बहादुर थापाको रहको प्रहरीले जनाएको छ ।
बुधबार राति भिरबाट लडेर उनको मृत्यु भएको भनिएपनि घटनाको प्रकृति हेर्दा शङ्कास्पद रहेको प्रहरीको भनाई छ । थापासँगै हिँडेका चम्पादेबी गाउँपालिका ३ का २८ वर्षीय दीपक बुढाथोकी भने घाइते अवस्थामा फेला परेका छन् ।
बुढाथोकी उपचार काठमाडौंमा भइरहेको छ । मृतक थापा र बुढाथोकी नाताले मामा भान्जा हुन् । उनीहरू दुबै जना खसी व्यापारी हुन् ।
काठमाडौंबाट आउँदै गर्दा रात परेपछि उनीहरू नवलपुरको होम कुमारीको होटेलमासँगै बास बरेका थिए । तर उनीहरू राति नै होटेल छोडेर भागेका थिए ।
जिल्ला प्रहरी कार्यालय ओखलढुङ्गाका प्रमुख पुष्पराज मल्लले घाइते भएका बुढाथोकी प्रहरी हिरासतमा रहेको र घटनाको विषयमा अनुसन्धान भइरहेको बताए ।
