काठमाडौं । टोटनह्यामका किएरन ट्रिपिएर स्पेनिस क्लब एट्लेटीको मड्रिडमा अनुबन्धित भएका छन् ।
एट्लेटीको मड्रिडले २८ वर्षका इंग्लिस खेलाडी ट्रिपिएरलाई २० मिलियन पाउण्डमा अनुबन्ध गरेको हो । उनलाई एट्लेटिको मड्रिडले तीन वर्षका लागि आफ्नो क्लबमा भित्र्याएको हो ।
बर्नलीबाट उनी सन् २०१५ मा टोटनह्याम आएका थिए । गएको जुनमा भएको च्याम्पियन्स लिग फुटबलको फाइनलसहित उनले टोटनह्यामबाट १०० खेलमा सहभागिता जनाए ।करिब चार वर्ष टोटनह्याममा बिताएका उनले ६९ खेल खेल्दै दुई गोल गरेका छन् । टोटनह्यामसँगको उनको सम्झौता सन् २०२२ सम्मको थियो ।
रक्षापंक्तिमा एथ्लेटिको मड्रिडले यो ट्रान्सफर विण्डोमा अनुबन्धित गरेको उनी तेस्रो खेलाडी हुन् । प्रशिक्षक डिएगो सिमोनले यसअघि नै पोर्टोबाट राइट–ब्याक फिलिपे र ब्राजिलियन क्लब एथ्लेटिको पारानाएन्सीबाट लेफ्ट–ब्याक रिनान लोडीलाई अनुबन्धित गरिसकेका छन् ।
