काठमाडौ । चिकित्सका लापरवाहीका एक बालिकाको मृत्यु भएको छ । सर्पले डसेर अस्पतालमा भर्ना भएकी बालिकको मृत्यु भएको हो ।
झारखण्डको सदर अस्पतालमा भर्ना गराएकी ९ वर्षीए प्राची कुमारी नामकी ती बालिकालाई स्लाइन चढाएपछि नर्स रोमा राय आफ्नो कोठामा गएर निदाइन् । बालिकाका आमा र दाजुले नर्सलाई उठाउनको लागि ढोका ढक्ढक्याइरहे तर नर्स उठिनन् । पीडाले तड्पी तड्पी बालिकाले प्राण त्यागेपछि अस्पतालमा बालिकाका परिवारले हंगामा गरेको दैनिक भास्करको समाचारमा उल्लेख छ ।
आरोपी नर्सलाई हिरासतमा लिइएको बताइएको छ । समाचारमा जनाइएअनुसार प्राचीलाई बिहीबार बेलुकी सर्पले डसेपछि अस्पतालमा भर्ना गरिएको थियो । डा। शिवलाल कुंकलले जाँचपछि एन्टि स्नेक भेनमको स्लाइन चढाएर नर्स रोमा रायलाई जिम्मा दिएर गए । डाक्टर जानासाथ नर्सले स्लाइनको स्विच स्लो गरेर आफ्नो कोठामा गएर सुतिन् ।
राती २ बजे बालिका अचानक तड्पिन थालिन् । नजिकै बसेकी आमा पुतुल देवी र दाजु अनमोलले नर्सलाई उठाउनको लागि नर्सको ढोका ढक्ढक्याए । यस क्रममा दाजुको हात नै भाँचियो । तर, नर्स उठिनन् । भित्रबाटै भनिन् – म उठ्न सक्दिन डिस्टर्ब नगर । तड्पी तड्पी बालिकाले प्राण त्यागिन् । नर्स रुमा रायले आफ्नो उमेरको बहाना बनाएर बच्ने प्रयास गरिरहिन् । उनी अर्को वर्ष सेवानिवृत्त हुनेवाला थिइन् ।
डीसी अरवा राजकमलद्वारा गठित कमिटीले नर्सलाई दोषी ठहर गरेको छ । यो लापरवाहीमा अरु कोही संलग्न भए नभएको जाँच गरेर २ दिनमा रिपोर्ट पेश गर्न भनिएको छ । नर्सलाई तत्कालै लागू हुने गरी बर्खास्त गरिएको छ ।
