काठमाडौं । इंग्ल्यान्डका तीव्रगतिका बलर जेम्स एन्डर्सनले अष्ट्रेलियाविरुद्धको एसेज सिरिजको दोस्रो टेष्ट क्रिकेट गुमाउने भएका छन् ।
अष्ट्रेलिया र इंग्ल्यान्डबीचको दोसो टेष्ट क्रिकेट यही अगष्ट १४ तारिखदेखि सुरु हुँदैछ ।
आईसीसीका अनुसार जेम्सको खुट्टामा चोट लागेपछि उनी दोस्रो खेलअन्तर्गत लर्ड्स टेष्ट अघिसम्म पूर्णरुपले ठीक नहुने भएपछि टिम बाहिर हुने भएका हुन् ।
इंग्ल्यान्डका लागि टेष्ट क्रिकेटमा कीर्तिमानी विकेट टेकर एन्डर्सनको एमआरआई स्क्यान गरिएको थियो । एमआरआईबाट चोट लागेको पुष्टि भएपछि उनी टिम बाहिर भएको आईसीसीले जनाएको छ ।
एसेज सिरिजको पहिलो खेलमा फिल्डिङ गर्ने क्रममा चोटग्रस्त बनेका थिए । चार ओभर बलिङ गरेका उनले तीन ओभर मेडन राखेर एक रन मात्रै खर्चिएका थिए ।उनले टेष्ट क्रिकेटमा १४९ खेलबाट ५७५ विकेट लिएका छन् ।
