काठमाडौं । जडिबुटी निकासीलाई सहज बनाउन माग गर्दै संसदमा जरुरी सार्वजनिक महत्वको प्रस्ताव पेश भएको छ ।
नेपाली कांग्रेसले क्वारेन्टाइनको उचित प्रवन्ध गर्दै जडिबुटी निकासी सहज बनाउन जरुरी सार्वजनिक महत्वको प्रस्ताव दर्ता गराएको हो ।
सांसद रंगमती शाहीको यो प्रस्तावमा कांग्रेस प्रमुख सचेतक बालकृष्ण खाँण, डिला संग्रौला पन्त र प्रकाश रसाइली स्नेही समर्थक छन् ।
क्वारेन्टाइनसम्बन्धी व्यवस्थाका कारण जडिबुटी निकासीमा पनि अवरोध उत्पन्न हुने गरेको छ । अवरोधका कारण संकलित जडिबुटी खेर जाने र नेपालीको रोजगारीलाई प्रभाव पर्ने गरेकाले यसमा छलफल गर्नुपर्ने कांग्रेसको प्रस्ताव छ ।
सांसद शाहीले भनिन्, ‘क्वारेन्टाइनको समस्याका कारणले जडिबुटी निकासीमा आएको अवरोधलाई अन्त्य गर्न यसमा छलफल आवश्यक छ ।’