काठमाडौँ। कर्णाली स्वास्थ्य विज्ञान प्रतिष्ठान र चिकित्सा विज्ञान राष्ट्रिय प्रतिष्ठानमा सात जना पदाधिकारी नियुक्त हुनुभएको छ ।
कर्णाली स्वास्थ्य विज्ञान प्रतिष्ठानको शिक्षाध्यक्षमा डा धर्मदत्त सुवेदी, रजिस्ट्रारमा प्रकाशचन्द्र खत्री, डिनमा डा सन्दीप श्रेष्ठ र अस्पताल निर्देशकमा डा विनम्र विष्ट नियुक्त हुनुभएको हो ।
त्यस्तै, चिकित्सा विज्ञान राष्ट्रिय प्रतिष्ठानको शिक्षाध्यक्षमा डा रविराम श्रेष्ठ, रजिस्ट्रारमा डा ममता भट्टराई कोइराला र डिनमा डा विकासविक्रम सिंह अधिकारी नियुक्त हुनुभएको छ ।
नवनियुक्त पदाधिकारीहरूले बुधबार स्वास्थ्य तथा खाद्य स्वच्छतामन्त्री निशा मेहतासमक्ष पद तथा गोपनीयताको शपथ ग्रहण गर्नुभएको हो ।
शपथ ग्रहण कार्यक्रममा मन्त्री मेहताले नवनियुक्त पदाधिकारीलाई जिम्मेवारी इमानदारी, पारदर्शिता र सेवामुखी भावनाका साथ निर्वाह गर्न आग्रह गर्नुभएको थियो । रासस
