बर्दिया । आफ्नै बुवालाई कुटपिट गरी हत्या गरेको आरोपमा बर्दियामा १९ वर्षीय युवक पक्राउ परेका छन्।
गेरुवा गाउँपालिका–५ जुगुतपुरका १९ वर्षीय सरगम आचार्यले आफ्नै बुवा ४९ वर्षीय टेकराज उपाध्यायलाई घरको कोठामा कुटपिट गरेको प्रहरीले जनाएको छ।
कुटपिटबाट गम्भीर घाइते भएका उपाध्यायको घटनास्थलमै मृत्यु भएको बताइएको छ। घटनापछि प्रहरीले सरगम आचार्यलाई नियन्त्रणमा लिएको छ।
घटनाको कारणबारे खुलिनसकेको प्रहरीले जनाएको छ। पक्राउ परेका आचार्यविरुद्ध आवश्यक अनुसन्धान तथा कानुनी प्रक्रिया अघि बढाइएको छ।
