काठमाडाैँ । नेपाल क्रिकेट संघ (क्यान) ले नेपाली राष्ट्रिय पुरुष क्रिकेट टोलीलाई शुक्रवार एक औपचारिक कार्यक्रमका बीच बिदाइ गरेको छ ।
आगामी प्रतियोगिताहरूको तयारी र एसिसी प्रिमियर कपमा सहभागिता जनाउन मलेसिया जानुअघि टोलीलाई शुभकामनासहित बिदाइ गरिएको हो । कार्यक्रममा बोल्दै राष्ट्रिय टोलीका कप्तान सन्दीप लामिछानेले विगतका खेलहरूमा भएका कमजोरीलाई आत्मसात गर्दै आगामी दिनमा सुधारिएको प्रदर्शन गर्ने प्रतिवद्धता व्यक्त गर्नुभयो ।
उहाँले पछिल्ला केही वैदेशिक भ्रमणहरू अपेक्षाअनुसार हुन नसकेको स्वीकार गर्दै विपक्षीको राम्रो खेल र आफ्ना केही प्राविधिक त्रुटिका कारण नतिजा आफ्नो पक्षमा आउन नसकेको बताउनु भयो ।
नेपाली टोली थप तयारीका लागि भारतको बैंगलोर प्रस्थान गर्दैछ । त्यहाँ १० दिनसम्म चल्ने विशेष प्रशिक्षणले मलेसियाको कन्डिसनमा अभ्यस्त हुन मद्दत पुग्ने कप्तान लामिछानेको विश्वास छ । उहाँले टोलीमा अनुभवी र नयाँ पुस्ताका खेलाडीहरूको राम्रो सम्मिश्रण रहेको र सबै खेलाडीहरू उच्च मनोबलका साथ मैदान उत्रन तयार रहेको जानकारी दिनुभयो ।
नेपालले पहिलोपटक एशिया कप खेल्दाको अनुभव सम्झँदै उहाँले सोही सफलतालाई दोहो¥याउने उद्देश्यका साथ मलेसिया प्रस्थान गर्न लागेको बताउनु भयो ।
