काठमाडौं । राष्ट्रिय स्वतन्त्र पार्टी (रास्वपा)का सभापति रवि लामिछानेले राष्ट्रपति रामचन्द्र पौडेलसँग भेटवार्ता गर्नुभएको छ।
बुधबार राष्ट्रपति भवन शीतल निवास पुगेर सभापति लामिछानेले राष्ट्रपति पौडेलसँग समसामयिक राजनीतिक अवस्था तथा पछिल्लो विकसित घटनाक्रमबारे छलफल गर्नुभएको हो।
राष्ट्रपति पौडेलको सचिवालयका अनुसार भेटका क्रममा सभापति लामिछानेले सुनसरी घटनालगायतका विषयमा छलफल गर्न आफूले आह्वान गरेको सर्वदलीय बैठकबारे राष्ट्रपतिलाई जानकारी गराउनुभएको थियो।
भेटमा मुलुकको समसामयिक राजनीतिक अवस्था, सामाजिक सद्भाव कायम राख्ने आवश्यकता तथा पछिल्ला घटनाक्रमबारे समेत छलफल भएको राष्ट्रपति सचिवालयले जनाएको छ।
