काठमाडौं । प्रधानमन्त्री केपी शर्मा ओली अजरबैजानको बाकुबाट त्रिभुवन अन्तर्राष्ट्रिय विमानस्थलमा ओर्लिंदा केहीबेर उडान अवतरण बन्द गरिएपछि यात्रुले वि’रोध गरेका छन । यात्रु राखेर रनवेतर्फ जाँदै गरेको एक जहाजको इन्जिन नै बन्द गर्न निर्देशन दिइएपछि आ’क्रोशित यात्रुले ओर्लिएर विरोध गरेका हुन । स्थिति असामान्य भएपछि प्रहरी नै बोलाउनु परेको थियो ।
काठमाडौंबाट भद्रपुरको उडान भर्न लागेको एसएचए नाईन फोर वान कलसाइनको विमानका यात्रु भीभीआईपी उडानका कारण दुःख पाएको भन्दै ओर्लिएर विरोध जनाएका हुन् । यता विमानस्थल प्रशासनले भने ‘नोटाम’ जारी गरिएको समयमा भीभीआईपी उडानलाई असर नपरोस् भनेर केहीबेर विमान उड्न रोकिएको र घटना सामान्य भएको जनाएको छ ।