काठमाडौं । अमेरिकन पेस्तोलसहित तीन जनालाई पक्राउ परेका छन् । महानगरीय अपराध महाशाखाको टोलीले कीर्तिपुरको चोभारबाट पक्राउ गरेको हो ।
अमेरिकन पेस्तोल र सोको पाँच राउन्ड गोलीसहित काठमाडौं १४ का देवेन्द्र भण्डारी र मनोज बस्नेत र कीर्तिपुरका सुमन खड्कालाई पक्राउ गरेको हो।
महानगरीय प्रहरी अपराध महाशाखाका प्रमुख एसएसपी सहकुल थापाले बा१७च ८३६४ नम्बरको महिन्द्रा कम्पनीको गाडीबाट पेस्तोल र गोलीसहित पक्राउ गरिएको बताए।
पेस्तोल देखाएर लुटपाट मच्चाएको आशंकामा प्रहरी टोलीले तिनै जनालाई पक्राउ गरेको हो। पक्राउ परेकामाथि अनुसन्धान थालिएको महाशाखाले जनाएको छ।