काठमाडौंः प्रिमियर लिगमा चेल्सीले पछिल्लो समय प्रभावशाली खेल कौशल प्रदर्शन गर्न थालेको छ । शनिबारको खेलमा चेल्सीले क्रिस्टल प्यालेसलाई २-० ले हराएर छैटौं जित हात पारेको छ । २०१६-१७ को उपाधि जितेको सिजनपछि पहिलो पटक लगातार छैटौं जित हात पारेको चेल्सी लिगको दोस्रो सथानमा उक्लिएको छ ।
घरेलु मैदान स्ट्याफोर्ड ब्रिजमा भएको खेलको पहिलो हाफ भने बराबरीमा रोकिएको थियो । तर दोस्रो हाफको सुरुमा नै टमी अब्राहमले गोल गरे । ७९ औं मिनेटमा अमेरिकी खेलाडी क्रिस्टियन पुलिसिकले गोल गरेपछि चेल्सीको जित पक्का भएको थियो ।
जितसँगै चेल्सीको १२ खेलबाट २६ अंक भएको छ र म्यानचेष्टर सिटीलाई उछिनेको छ । यद्यपि २५ अंक जोडेको उसले एक खेल कम खेलेको छ ।
एजेन्सीकाे सहयाेगमा
