काठमाडौं । नेपाल ट्रक यातायात व्यवसायी महासंघले महासंघका निर्वतमान केन्द्रीय उपाध्यक्ष तथा गण्डकी ट्रक यातायात व्यवसायी संघका पूर्व अध्यक्ष कृष्णहरि जिसीको निधनप्रति गहिरो दुःख व्यक्त गरेको छ ।
पोखरा महानगरपालिका–१७ रातोपैह्रा निवासी जिसीको वैशाख ३१ गते राति अकल्पनीय असामयिक निधन भएको महासंघले जनाएको छ । महासंघका अध्यक्ष राजेन्द्र विक्रम बानियाँद्वारा जारी समवेदना सन्देशमा जिसीको निधनले सम्पूर्ण यातायात क्षेत्रमा अनुभवी, कुशल र निर्णय क्षमता भएका व्यक्तित्व गुमाएको उल्लेख गरिएको छ ।
महासंघले दिवंगत आत्माको चिरशान्तिको कामना गर्दै श्रद्धाञ्जली अर्पण गरेको छ भने शोकसन्तप्त परिवारजनप्रति हार्दिक समवेदना व्यक्त गरेको छ ।
