कन्चनपुर । वन तथा वातावरण र कृषि तथा पशुपन्छी विकास मन्त्री गिता चौधरीले शुक्ला फाँटा राष्ट्रिय निकुन्जको अनुगमन गर्नुभएको छ ।
मन्त्री चौधरीले कञ्चनपुर जिल्लामा पर्ने उक्त राष्ट्रिय निकुन्जको वार्तामान अवस्थामा भइरहेका संरक्षणसम्बन्धी गतिविधिहरूको जानकारी लिनुभएको हो ।
निकुञ्जका संरक्षण अधिकृत चन्द्रशेखर चौधरीले अनुगमनका क्रममा निकुञ्ज प्रशासनले मानववन्यजन्तु द्वन्द्व न्यूनीकरण, वन्यजन्तुको बासस्थान व्यवस्थापन, चोरीसिकारी नियन्त्रण तथा घाइते र समस्याग्रस्त वन्यजन्तुको उद्धारलगायतका कार्यहरू प्रभावकारी सञ्चालन भइरहेको जानकारी गराउनु भएको छ।
अनुगमनका क्रममा मन्त्री चौधरीले मानव–वन्यजन्तु द्वन्द्व न्यूनीकरणमा थप ध्यान दिनुपर्ने र पर्यापर्यटनमार्फत स्थानीय जनताको आयआर्जन वृद्धि गर्न निकुञ्जले विशेष जोड दिनुपर्ने धारणा राख्नुभएको थियो।
