काठमाडौँ। कर्णाली प्रदेश र वागमती प्रदेश महिला राष्ट्रिय रग्बी सेभेन्सको सेमिफाइनलमा पुगेका छन् ।
त्रिपुरेश्वरस्थित दशरथ रंगशालामा शनिवारदेखि शुरु भएको प्रतियोगितामा समूह ‘ए’ बाट कर्णाली र वागमती सेमिफाइनलमा पुगेका हुन् ।
समूहमा दुवैले कुल समान सात अंक जोडे पनि कुल स्कोरका आधारमा वागमती विजेता भएको हो । समूहचरणमा वागमती र कर्णाली बीचको खेल पनि १०–१० स्कोरमा सकिएको थियो । दुवैले समान एक बराबरी र दुई जित नै आत्मसात गरे । तर विपक्षीविरुद्ध वागमतीले ६५ स्कोर र कर्णालीले ५९ स्कोर गरेका थिए । यही स्कोरका आधारमा नै वागमती विजेता बन्यो ।
आफ्नो समूहमा कर्णालीले लुम्बिनी प्रदेशलाई २४–० र मधेसलाई २५–० ले हरायो । वागमतीले भने मधेसलाई ३५–० र लुम्बिनीलाई २०–० स्कोरले हरायो । अर्को समूह ‘बी’ बाट आर्मी र सशस्त्र प्रहरी बलको एपिएफ सेमिफाइनलनजिक देखिएका छन् ।
तीन टोली रहेको समूहमा आर्मीले एपिएफमाथि १४–५ स्कोरले हराउँदै समूह विजेताको दाबेदारी प्रश्तुत ग¥यो । दोस्रो खेलमा आर्मीले सुदूरपश्चिम प्रदेशमाथि ४४–० ले हराउँदै समूह विजेता बन्यो । शनिवार लिग चरणमा एक मात्र खेलमा महिलातर्पm एपिएफ र सुदूरपश्चिमबीच खेल हुन सकेन । यसको विजेता सेमिफाइनलमा पुग्नेछ ।
नेपाल रग्बी संघको आयोजनामा भएको प्रतियोगितामा पुरुषतर्पm समूह ‘ए’ आर्मी विजेता र गण्डकी तथा समूह ‘बी’ मा एपिएफ विजेता र कोशी उपविजेताका रूपमा सेमिफाइनलमा पुग्यो । उक्त प्रतियोगिताको उद्घाटन राष्ट्रिय खेलकुद परिषद् (राखेप) का सदस्यसचिव रामचरित मेहताले गरेका थिए ।
प्रतियोगिताको विजेता टोलीले ५० हजार रुपैयाँ नगदसहित ट्रफी, पदक र प्रमाणपत्र प्राप्त गर्नेछ । उपविजेताले ३० हजार रुपैयाँसहित पदक र प्रमाणपत्र पाउनेछ ।
उत्कृष्ट एक पुरुष र एक महिला खेलाडीलाई जनही ५ हजार रुपैयाँ प्रदान गरिनेछ । प्रतियोगितामा दुई विभागीय टोली एपिएफ र त्रिभुवन आर्मी, बागमती प्रदेश, कर्णाली र मधेसका महिला तथा पुरुष दुवै टोलीको सहभागिता रहँदा कोसी, सुदूरपश्चिम र लुम्बिनीबाट महिला र गण्डकीबाट पुरुष टोलीको मात्रै सहभागी रहनेछ ।
टोलीहरूलाई दुई समूहमा विभाजन गरी लिग कम नकआउट प्रणालीअनुसार खेल सञ्चालन गरिनेछ । आयोजककाअनुसार प्रतियोगिता सञ्चालनका लागि करिव ३० लाख रुपैयाँ खर्च अनुमान गरिएको छ ।
सहभागी खेलाडीहरूको सुरक्षालाई ध्यानमा राख्दै करिव १ लाख २५ हजार रुपैयाँ बराबरको खेल दुर्घटना बीमा गरिएको छ भने स्वास्थ्य सेवाका लागि भक्तपुर इन्टरनेसनल अस्पतालको सहयोग रहनेछ ।–न्युज एजेन्सी नेपाल
