काठमाडाैंः उद्योग, वाणिज्य तथा आपूर्ति मन्त्रीमा गौरीकुमारी यादव र श्रम, रोजगार तथा सामाजिक सुरक्षा मन्त्रीमा रामजी यादव नियुक्त हुनुभएको छ।
नवनियुक्त दुवै मन्त्री राष्ट्रिय स्वतन्त्र पार्टी (रास्वपा) का सांसद हुनुहुन्छ। रामजी सप्तरी– २ बाट निर्वाचित सांसद हुन भने गौरी महोत्तरी– ४ बाट निर्वाचित भएकी हुन्।
उहाँहरूले आजै राष्ट्रपति भवनमा आयोजित एक समारोहबीच राष्ट्रपतिसमक्ष पद तथा गोपनीयताको शपथ लिने कार्यक्रम रहेको छ।
प्रधानमन्त्री बालेन्द्र शाहले बिहिबार मात्र श्रम, रोजगार तथा सामाजिक सुरक्षा मन्त्री दिपक कुमार साहलाइ रास्वपाका सभापति रबि लामिछानेको सिफारिस बमोजिम पदमुक्त गरेका थिए । दिपक कुमार साह १४ दिन भित्रै पदमुक्त भएका हुन् ।
यस्तै, उद्योग, वाणिज्य तथा आपूर्ति मन्त्रालय भने प्रधानमन्त्री बालेन्द्र शाहसँगै थियो ।
