काठमाडौं । निरन्तर पहिरो गइरहेका कारण मुग्लिन–नारायणगढ सडकखण्ड आज पनि रातभर नखुल्ने भएको छ ।

सडक डिभिजन कार्यालय भरतपुरका अनुसार साँझसम्म पनि निरन्तर पहिरो गइरहेका कारण पन्छाउन नसकिएको आज पनि रातभर नखुल्ने भएको जानकारी गराएको छ । कार्यालयका अनुसार भोलि बिहान ४–५ बजेबाटै काम सुरु हुने र आजका लागि पहिरो पन्छाउने काम पनि रोकिएको छ ।

चितवनको इच्छाकामना गाउँपालिकास्थित तुइन खोलामा शुक्रबारदेखि निरन्तर पहिरो खसिरहेको छ । शुक्रबार रातिदेखि नै सडक अवरुद्ध हुँदा सडकमा धेरै सवारी र मानिसहरू अलपत्र परेका छन् ।

सडक डिभिजन कार्यालयले आफ्नो सामाजिक संञ्जालमा यस्तो जानकारी गराएको छ-

मिति २०८२/०६/०४ गते । हिजाे साँझ करिब ६:३० बजे देखि मुग्लिन नारायणगढ सडक खण्डको तुईन खाेला पुल नजिकै निरन्तर झरेको पहिरोका कारण सडक पूर्ण रूपमा अवरुद्द भएको सर्वविदितै छ । मुग्लिन तर्फबाट ढुंगा खस्ने क्रम निरन्तर भईरहेकाे हुँदा हामिसँग ४ वटा लोडर र १ वटा Excavator भएपनि सुरक्षाको दृष्टिकोणले निर्वाध रूपमा पहिरो हटाउनकाे लागि दिनभरि नै समस्या भईरहेकाे थियाे ।

नारायणगढतर्फ बाट मात्र १ वटा loader, १ वटा Excavator मुग्लिनतर्फ बाट २ वटा loader, १ वटा excavator निरन्तर रूपमा परिचालन गरि पहिरो हटाउने कार्य हुँदाहुँदै पनि थप पहिरो खस्ने क्रम नराेकिएकाे हुँदा पहिरो पन्छाउने क्रममा माथिबाट ढुंगाहरू खसी झण्डै excavator operator ठुलो दुर्घटना हुनबाट जाेगियाे । पहिराे खस्ने जाेखिम कायमै रहेकोले रातको समयमा माथिबाट झरेको ढुंगा/पहिरो नदेखिने साथै सुरक्षाको दृष्टिकोणले पहिरो हटाउन संभव पनि नभएकोले संभव भएसम्म सबै उपकरणहरू प्रयोग गरि पहिरो हटाउन र छिटोभन्दा छिटो सवारी आवागमन सुचारू गर्नेमा हामी प्रतिबद्ध रहेको व्यहोरा अनुरोध छ।

तसर्थ भाेलि बिहानै करिब ४:०० बजेतिर (झिसमिसे उज्यालोमा) पहिरो हटाउने कार्य सुचारू गरिनेछ । सडकमा राेकिएका सवारीसाधनहरू लेन अनुशासनमा राख्नुहुन र यात्रुमहानुभावहरू सावधानीपुर्वक सुरक्षित स्थानतिर गइदिनुहुन समेत हार्दिक अनुरोध गरिन्छ वैकल्पिक मार्गबारेमा पनि केहीबेरमा यसै पेजमा Update गरिने छ । यात्रु महानुभावहरूमा पर्न गएको असुविधा प्रति क्षमा प्रार्थि छाैं । धन्यवाद