काठमाडौँ । भारतको राजधानी दिल्लीस्थित नेपाली राजदुतावासमा संविधान दिवस मनाइएको छ ।
संविधान दिवसको अवसरमा भारतका लागि नेपाली राजदुत डा. शंकर शर्माले राजदुतावास प्राङ्गणमा राष्ट्रिय भण्डा फहराउनुभएको थियो ।
समारोहमा संक्षिप्त बोल्दै राजदुत शर्माले देश विदेशमा रहनुभएका सम्पूर्ण नेपालीहरुलाई संविधान दिवसको शुभकामना व्यक्त गर्नुका साथै नेपालमा हालै भएको जेनजी आन्दोलनमा ज्यान गुमाएका शहीदहरुप्रती श्रद्धाञ्जली व्यक्त गर्नुभयो । उहाँले अन्तरिम सरकार र त्यसपछि बन्ने सरकारहरुले नेपाली जनताको हित हुने नेपाललाई आर्थिक रुपमा सबल बनाउने गरी काम गरोस् भन्ने शुभकामना पनि दिनुभयो ।
समारोहमा दिल्लीस्थित नेपाली राजदूतावासका सम्पूर्ण अधिकारीहरुको उपस्थिति रहेको थियो ।
