काठमाडौं । रास्वपाका सभापति रवि लामिछानेले जेन जीको सडक आन्दोलन इतिहासको नयाँ सुरुवातको दिन भएको बताएका छन् ।

नक्खु कारागारबाट जेन जीलाई सडक आन्दोनलप्रति ऐक्यबद्धता जनाउँदै रास्वपाका सभापति लामिछानले सामाजिक सञ्जाल बन्द गर्ने सरकारको निर्णयको पनि चर्को आलोचना गरेका छन् ।

उनले शासकहरुले जेन जीलाई विधि र विवेकको शासन त दिएनन् नै, आफ्ना खुसी र दु:ख, सफलता र असफलता बाँड्ने सामाजिक सञ्जालको सानो कुना पनि खोसेको आरोप लगाएका छन् ।

उनले भनेका छन–

प्रिय Gen Z,

भोलिबाट तपाईँहरु सडकमा ओर्लँदै हुनुहुन्छ । तपाईँहरुमध्ये धेरैको जीवनमा यो पहिलो सडक प्रदर्शन हुनुपर्छ । शासकहरुले तपाईँहरुलाइ विधि र विवेकको शासन त दिएनन् नै, आफ्ना खुसी र दु:ख, सफलता र असफलता बाँड्ने सामाजिक सञ्जालको सानो कुना पनि खोसे । सत्ता र शक्तिको नशामा चुर अनि घमण्ड र प्रतिशोधको आनन्दमा मग्न यिनीहरुलाई थाहा छैन, तपाईँहरुको विवेक र आवेगसँग यो देशको इतिहास बदल्ने शक्ति छ । भोलिको दिन इतिहासको नयाँ सुरुवातको दिन हो । घुसपैठ हुनसक्छ सचेत हुनुहोस्, उत्तेजित बनाउन सक्छन् विवेक प्रयोग गर्नुहोस् । तपाईँको आफ्नो इतिहास र यो देशको इतिहास पनि तपाईँकै हातबाट लेखिँदैछ । नख्खु जेलको कालकोठरीबाट म तपाईँहरुप्रति शुभेक्षा, सदभाव र ऐक्यबद्दता प्रकट गर्दछु ।

रवि लामिछाने
हाल : नक्खु कारागार, ललितपुर
(निजी सचिवालय मार्फत्)