काठमाडौँ। नेपाल सरकारका पुर्व मन्त्री, नेपाली काङ्ग्रेसका उपसभापति धनराज गुरुङले अर्थ बलियो बनाएर चिकित्सकका माग पुरा गर्नुपर्ने बताउनु भएको छ ।
प्रजातन्त्रवादी चिकित्सक संघको बार्षिक भेलाको अवसरमा शुक्रबार काठमाडौको अनुपम फुड ल्याण्डमा आयोजित “स्वास्थ्य सेवा,पार्टी नेतृत्व र राष्ट्रिय प्रगतिका लागी एकीकृत कदम” बिचार गोष्ठीलाई सम्बोधन गर्दै उहाँले चिकित्सकहरुको सेवा सुविधा सरकार गम्भीर हुनुपर्ने धारणा राख्नुभयो ।
“सेवा सुबिधा थप गर्ने भन्ने बित्तिकै अर्थतन्त्र संग जोडिन्छ, देशको अर्थतन्त्र वृद्धि गर्ने थुप्रै क्षेत्र छन् त्यतातिर लागौं र उहाँहरुको सेवा सुबिधा बढाउन तिर लागौं ” उहाँको भनाइ थियो ।
घरेलु मदिरा लगायतलाई कर दायरामा ल्याउ सके अहिले बजेटमा ६ खर्ब थप गर्न सकिने भन्दै आफू कानुन मन्त्री हुँदा पटकपटक कानुन बनाउन प्रयास गरेपनि सफल हुन नसकेको बताउनुभयो ।
“म कानुन मन्त्री हुँदा घरेलु मदिरा लगायत थुप्रै क्षेत्रलाई करको दायरामा ल्याएर देशको अर्थतन्त्र बलियो बनाउन पटकपटक लागे तर सफल हुन सकिन ” उहाँको भनाइ थियो ।
