काठमाडौँ । नेकपा एमालेका सांसद अमृतलाल राजवंशीले शुक्लाफाँट राष्ट्रिय निकुञ्ज र कोशी टप्पु वन्यजन्तु आरक्षका जनतालाई रातारात उठाएर अव्यवस्थित बनाइएकोे बताउनुभएको छ ।
भूमीसम्बन्धी विधेयकमा सोमवार भएको छलफलमा उहाँले निकुञ्जका नाममा सरकारले नै जनतालाई भूमीहिन बनाएको बताउनुभएको हो । त्यहाँका जनताले भोगचलन गरिरहेको नम्बरी जग्गाबाट उठाएर अहिले अव्यवस्थित टहरोमा राखिएकोे बताउनु भयो । निकुञ्जले त्यहाँका जनतालार्ई पानी बिजुलीको सेवा समेत उपलब्ध नगराएको बताउनुहुँदै घर टहरा चुहिने अवस्थामा पुग्दा समेत नहेरेको आरोपप लगाउनु भयो । पीडितहरुको पक्षमा भूमी विधेयक बनाएर उनीहरुलाई राम्रो ठाउँमा स्थानान्तरण गर्र्न समेत उहाँले माग गर्नुभयो ।
सांसद राजवंशीले भन्नुभयो, ‘शुक्लाफाट र कोशी टप्पुका जनतालाई रातारात उठाएर अव्यवस्थित बनाइयो । निकुञ्जले कुनै सुविद्या दिएन । उनीहरुले बनाएको घरटहरा कुहिने अवस्था छ । सरकारले नैजनतालाई नम्बरी जग्गाबाट उठायो । पिडितहरुको पक्षमा विद्येयक बनाएर उनीहरुलाई राम्रो ठाउँमा स्थानान्तरण गरियोस् ।’
उहाँले हाल सरकारले बनाएको भूमी आयोगले काम गर्न नसक्ने पनि बताउनु भयो । भूमी आयोगलाई काम गर्न नदिएर हातखुट्टा बाँधेर राख्ने काम भएको उहाँको भनाई छ ।
