काठमाडौं । देशभर पछिल्लो २४ घन्टामा थप ९६८ जनामा कोरोना भाइरसको संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार देशभरका विभिन्न प्रयोगशालामा गरिएको परीक्षणमा उक्त संख्यामा संक्रमित थपिएका हुन् ।
पछिल्लो २४ घण्टामा जम्मा १४ हजार ९७१ नमुना परीक्षण गर्दा आरटी पीसीआरबाट ८ हजार २७२ र एन्टीजेनबाट ६ हजार ६९९ नमुना परीक्षण गरिएको थियो । जसमध्ये पीसीआरबाट ५७२ र एन्टीजेनबाट ३९६ संक्रमित भेटिएको मन्त्रालयले जनाएको छ ।
यस्तै पछिल्लो २४ घण्टामा २६२ जना संक्रमित निको भएका छन् । शुक्रबार कोरोनाबाट मृत्यु हुनेको संख्या शून्य रहेको छ ।
